නෙතු අගින් ගිලිහුණු
සීතල කඳුළු කැට
දෙකොපුල් දිගේ විත්
මුහු වෙනවා දෙරණට
රුදුරු වැහි විලසට...
දුවේ අද නුඹ
එලොව හිඳ දැක......
ජිවිතේ "ෆන්" සොයන්
නුඹේ දුව දුවන
මිරිඟු මග අග
නොපෙනේද නුඹට තව.....
කඳුළු නොසලන් තාත්තේ
පමා නැත නුඹ තවම....
ස්වප්නයක් වී එන්න
ඔවා තරවටු දෙන්න.....
හිරු සඳු ගෙනවිත්
දෝතට පුදන..
මුලාවෙන් හැඳි වතත්
උනා ගෙන දුවන...
කාසි කොළ පොදියක්
පදනමට උන...
ව්‍යාජ මිතුරු දම්
මෙහේ හරි ලාබයි
අම්මේ....
දුරකථන හදවත
නැවතුනත්..
ආදරෙයි කියන්නට
බැරි උනත්..
රූටන කඳුළු බිඳු
දෑතින්ම පිසදමන්..
අවංක සෙනෙහසයි..
අව්‍යාජ සිනහවයි..
හදවතින් දරන්..
හෙට උදේ බස් එකෙන්..
මම ආයේ එනවා
වෙරළු ගහ යටට
පුංචි කාලය හොයාගෙන...
අමාවක අහස
මම හිතුවටත් වැඩිය
ගොඩක් කළුවරයි
අම්මේ.......
