ගැඹුරු අඳුරු අගාදයක
වැටි සිටිනා මොහොතක
කිනම් අයුරකින් ධනාත්මකව
අනාගතයක් ගැන සිතම්ද...
අනාගතේ යම් දිනයක
මා වදයක් ලෙස පෙනේවි
සමහර විට අද දැනටත්
එය සිදු වී දැයි නොදනිමි.....
මට නොහැකිය කිසිම විටක
තව කෙනෙකුට මන් හින්දා
දුක් කරදර ප්‍රශ්න සැකය
ඇතිවනු දැක්මට වත්මන....
අමාරුවෙන් චංචල හිත
හදාගතිමි මම අද සිට
නැවතත් පෙර සිටි විලසට
සියලු දෙයම සිදු කරන්න...
මාත් එක්ක ඉන්නා උන්
මගේ වගේ රැක ගන්නෙමි
පුළුවන් ඇති හැම දෙයක්ම
සැමට බෙදා ගෙන දෙන්නෙමි...
සිත කය වචනය තුන් දොර
සංවර කර හිත හදාන
කාටත් වාතයක් නොවී
පතනෙමි මම මිය යන්නට...
කෙදිනක හෝ මිය ගිය පසු
පවුලේ අය දුක් විඳීවි
බහුතරයක් යාළුවන්ට
මා අමතක වෙලා යාවි.....
නෑදෑයන් එකතු වෙලා
සොහොන් කොතක් ඉදි කරාවී
හිරු කිරණයි සඳ එළියයි
මගෙ සොහොනේ තනි මකාවී...
No comments:
Post a Comment